Viðtøkur fyri LGBT+ Føroyar 

§1 Navn og heimstaður 

​

Felagsskapurin eitur “LGBT+ Føroyar” – felagsskapur til frama fyri LGBT+-persónar. 

Felagsskapurin hevur heimstað í Tórshavn.

​

§2 Endamál 

​

Endamálið hjá felagsskapinum er : 
• at leggja lunnar undir eitt rúmligt samfelag, hvørs eyðkenni er fjølbroytni og virðing fyri ymiskleikunum hjá hvørjum einstøkum. 

• at skapa trivnað og eitt mennandi umhvørvi fyri LGBT+-persónar. 

• at virka fyri, at øll uttan mun til kynsliga sannføring og kynssamleika skulu hava somu rættindi og skyldur og somu møguleikar at liva og virka í føroyska samfelagnum, 

• at bróta niður fordómar og varpa ljós á umstøðurnar hjá LGBT+-persónum. 

• at veita ráðgeving, stuðul og upplýsing 

• at virka fyri altjóða samstarvi við líknandi feløg 

​

• at arbeiða intersektionelt

​

§3 Limir 

​

Ein og hvør, ið tekur undir við endamálinum, kann gerast limur í felagsskapinum. 

​

§4 Aðalfundur 

​

Aðalfundurin er hægsti myndugleikin hjá felagsskapinum.

Aðalfundurin verður hildin á hvørjum ári í marsmánaði.

Aðalfundurin verður lýstur alment ella við skrivi til hvønn einstakan lim í minsta lagi fýra vikur áðrenn fundin.

Uppskot til aðalfundin skulu vera nevndini í hendi í seinasta lagi eina viku áðrenn fundin.

Nevndin kann í serstøkum føri gera frávik frá tíðarfreistum. 

​

Fundarskrá: 
1. Val av orðstýrara. 
2. Ásfrágreiðing. 
3. Roknskapur verður lagdur fram. 
4. Innkomin mál. 
5. Val av 6-8 nevndarlimum og 2 ella fleiri eykalimum 
6. Áseting av limagjaldi 
7. Ymiskt. 

​

Um tað eru fleiri valevni enn nevndarlimatalið, verður atkvøðugreiðsla skipað. Valevni til nevndina skulu vera limir í felagsskapinum.

​

Nevndarlimir vera valdir við, at limirnir skriva nøvnini á 6-8 valevnum á atkvøðuseðlar, og tey við flest atkvøðum eru vald. Orðstýrarin skipar fyri uppteljingini.

Stendur á jøvnum verður lutakast. Valskeiðið er 1 ár.

​

Eykalimir vera valdir við, at limirnir skriva nøvnini á 2 ella fleiri valevnum á atkvøðuseðlar, og tey við flest atkvøðum eru vald. Orðstýrarin skipar fyri uppteljingini.

Stendur á jøvnum verður lutakast. Valskeiðið er 1 ár. 

​

Limir, ið hava goldið limagjald, hava atkvøðurætt, og øll mál verða avgjørd við vanligum meiriluta av teimum, ið møta og hava atkvøðurætt á aðalfundinum.

Eykaaðalfundur skal haldast, um ein meiriluti í nevndini ella ¼ av limunum ynskja hetta. Eykaaðalfundur skal fráboðast limunum skrivliga við 14 daga freist. 

​

§5 Nevndin 

Felagsskapurin verður stjórnaður av eini 6-8 nevndarlimum, valdir á aðalfundinum. Ein av nevndarlimunum skal vera undir 30 ár.
Nevndin skipar seg á fyrsta nevndarfundi eftir aðalfundin.

​

Fer nevndarlimur frá ella fær ikki møtt á fundi, kemur eykalimur í hansara stað um neyðugt. 

Nevndin hevur ábyrgdina av øllum virkseminum hjá felagsskapinum og kann eftir tørvi seta aðrar bólkar at arbeiða við ávísum økjum og evnum. 

​

Felagsskapurin verður bundin við undirskrift frá peningarøklinum ella av 2 nevndarlimum ella einum nevndarlimi og einum starvsfólki. 

Við veðseting av føstum ognum ella við upptøku av lánum krevst nevndarsamtykt og undirskrift frá minst 4 nevndarlimum. 

​

Fundarfrásøgn verður skrivað og skal góðkennast av øllum nevndarlimunum, sum vóru á fundinum. 

​

Nevndarfundur er viðtøkuførur við minst 4 nevndarlimum á fundi. 

​

§6 Fíggjarviðurskifti 

​

Roknskaparárið er álmanakkaárið 

Nevndin  skal bera so í bandi, at greiniligur roknskapur verður førdur yvir allar inntøkur og útreiðslur. 

​

§7 Útihýsing 

Limir, ið skaða virksemi hjá felagsskapinum, kunnu vera útihýstir. 

Nevndin kann í styttri ella longri tíð ella endaliga útihýsa lim, sum á einhvønn hátt mótarbeiðir áhugamálunum hjá felagsskapinum. 

​

Limur hevur rætt til skrivliga ella munnliga at føra fram síni sjónarmið fyri nevndini, áðrenn avgerð verður tikin. 

​

Limurin, sum í styttri ella longri tíð ella endaliga verður útihýstur, kann krevja, at spurningurin verður lagdur fyri fyrstkomandi aðalfund til endaliga avgerð. 

​

Á aðalfundinum skulu 2/3 atkvøða fyri útihýsing av liminum. Viðkomandi limur skal hava møguleika at føra sjónarmið síni fram á aðalfundinum 

​

§8 viðtøkubroyting og avtøka 

​

Nevnd og limir kunnu seta fram uppskot til broytingar í viðtøkunum. Hesar viðtøkur kunnu broytast við vanligum meiriluta á aðalfundi. 

​

Felagsskapurin kann ikki takast av uttan so, at allir limir skrivliga hava fingið fundarboð, og at 4/5 av møttu limunum atkvøða fyri avtøku.

​

Verður felagsskapurin tikin av, skulu ognirnar latast onkrum vælgerandi endamáli til frama fyri LGBT+-persónar. 

​

Soleiðis samtykt á stovnandi aðalfundi í Tórshavn 01.06.2011, seinast broytt á aðalfundi 29.03.2025.

​

​

​